Hərçənd əsiran-i quyudat-i zamanız
Hərçənd duçaran-i bəliyyat-i cahanız
Zənn etmə ki bu əsrdə avare-yi nanız
Əvvəl nə idiksə yenə biz şimdi həmanız
Turanlılarız adi-yi şuğl-i sələfiz biz
Öz qovmumuzun başına əngəl kələfiz biz

Zülmət sevər insanlarız üç beş yaşımızdan
Fitnə göyərir torpağımızdan daşımızdan
Tarac edərək bac alırız qardaşımızdan
Çıxmaz çıxabilməz də bu adət başımızdan
Əslafımıza çünkü həqiqi xələfiz biz
Öz qovmumuzun başına əngəl kələfiz biz

Ol gün ki Məlik Şah-i Büzürg eylədi rihlət
Etdik iki namərd vəzirə təbəiyyət
.... Düşmən qatıb əl təxtimizi eylədi qarət
Öz haqqımızı gözləməyə bitərəfiz biz
Turanlılarıq adi-yi şuğl-i sələfiz biz

  Bir vaxt olub ləşkər-i Çəngizə tərəfdar
  Xarəzmləri məhv elədik qətlə yekbar
  Xarəzmlərin Şahı fərar eylədi naçar
.... Məscidləri məktəbləri yıxdıq yerə təkrar
! Həqqa ki səzavar-i nişan-o şərəfiz biz
! Öz dinimizin başına əngəl kələfiz biz

Bİr vaxt da dava-yi Səlib oldu mühəyya
Davada firəngilərə qalib gəlib amma
Dincəlməyib etdik yeni bir faciə bərpa
Öz tiğimiz öz rişəmizi kəsdi sərapa
Guya ki biyabanda bitən bir ələfiz biz
Öz qovmumuzun başına əngəl kələfiz biz

Bir vaxt daxi Ağqoyun Qaraqoyun olduq
Azərbacana həm də Anatoluya dolduq
Ol qədr qırıb birbirimizdən ki yorulduq
Qırdıqca yorulduq və yorulduqca qırıldıq
Turanlılarız adi-yi şuğl-i sələfiz biz
Öz qovmumuzun başına əngəl kələfiz biz

Bir vaxt salıb tərəqə olduq iki qismət
Teymur Şahı bir paramız etdi himayət
Xan Ildırıma bir paramız qıldı itaət
Qanlar saçılıb Ankarada qopdu qiyamət
Əhsən bizə həm tirzəniz həm hədəfiz biz
Öz qovmumuzun başına əngəl kələfiz biz

Teymur Şəh-i Ləngə olub tabe-i fərman
Xan Toxtamışı eylədik al qanına qəltan
Ta oldu Qızıl Ordaların dövləti talan
Moskov Şahına fayidəbəxş oldu bu meydan
Əlyovm Uruslaşmışıq elə zişərəfiz biz
Öz dinimizin başına əngəl kələfiz biz

bir vaxt Şəh İsmaili ilə Sultan-i Səlimə
Məftun olaraq eylədik İslamı du nimə
Qoyduq yeni bir tazə adı din-i qədimə
Saldı bu Təşəyyu bu Təsənnün bizi bimə
Qaldıqca bu halətlə səza-yi əsəfiz biz
Öz dinimizin başına əngəl kələfiz biz

Nadir bu iki xəstəliyi tutdu nəzərdə
İstərdi əlac eyləyə bu qorxulu dərdə
Bu məqsədilə əzm edərək girdi nəbərdə
Məqtulən onun nəşini qoyduq quru yerdə
Bir şey-i əcibiz nə bilim bir tühəfiz biz
Öz dinimizin başına əngəl kələfiz biz

İndi yenə var tazə xəbər tazə tamaşa
İranlılıq Osmanlılıq ismi olub ehya
Bir qitə yer üstündə qopub bir yekə dava
Meydan ki qızışdı olarıq məhv sərapa
Onsuz da əgər çənd ki yeksər tələfiz biz
Öz qovmumuzun başına əngəl kələfiz biz

Mirzə ələkbər sabir

araz1385 : MİRZƏƏLƏKBƏR SABİR : Şərhlər(0) : Sentyabr 21, 2009 15:12

Baxış sayı: 45
Açar sözlər:

FƏLƏ, ÖZÜNÜ SƏN DƏ BİR İNSANMI SANIRSAN?!

Fələ, özünü sən də bir insanmı sanırsan?!

Pulsuz kişi, insanlığı asanmı sanırsan?!

İnsan olanın cahü cəlali gərək olsun,

İnsan olanın dövləti, mali gərək olsun,

Himmət demirəm, evləri ali gərək olsun;

Alçaq, ufacıq daxmanı samanmı sanırsan?!

Axmaq kişi, insanlığı asanmı sanırsan?!

Hər məclisi-alidə soxulma tez arayə,

Sən dur ayaq üstə, demə bir söz ümərayə,

Caiz deyil insanca danışmaq füqərayə,

Dövlətlilərə kəndini yeksanmı sanırsan?!

Axmaq kişi, insanlığı asanmı sanırsan?!

Fəqr ilə ğina əhlinə kim verdi müsavat?

Mənadə də, surətdə də var bunda münafat,

Öz fəzlini pulsuz edəməz kimsəyə isbat,

Bu mümtənəi qabili-imkanmı sanırsan?!

Axmaq kişi, insanlığı asanmı sanırsan?!

Get vur çəkicin, işlə işin, çıxma zeyindən,

Məqsud müsavat isə ayrılma ceyindən,

Var nisbətin ərbabi-ğinayə nə şeyindən?

Bir abbası gün muzdunu milyanmı sanırsan?!

Axmaq kişi, insanlığı asanmı sanırsan?!

Dövlətliyik, əlbəttə, şərafət də bizimdir,

Əmlak bizimdirsə, əyalət də bizimdir,

Divan bizim, ərbabi-hökumət də bizimdir,

Ölkə dərəbəylik deyə xan-xanmı sanırsan?!

Axmaq kişi, insanlığı asanmı sanırsan?!

Asudə dolanmaqda ikən dövlətimizdən,

Azğınlıq edirsiz də hələ nemətimizdən,

Boylə çıxacaqsızmı bizim minnətimizdən?

Ehsanımızın küfrünü şükranmı sanırsan?!

Axmaq kişi, insanlığı asanmı sanırsan?!

Heç bir utanırsan?!

Ya bir usanırsan?!

Əlminnətü-lillah,

Odlara yanırsan?!

Mirzə ələkbər sabir

araz1385 : MİRZƏƏLƏKBƏR SABİR : Şərhlər(0) : Sentyabr 21, 2009 15:11

Baxış sayı: 50
Açar sözlər:

EYLƏ BİLİRDİM Kİ, DƏXİ SÜBH OLUB

Eylə bilirdim ki, də xi sübh olub,

Mürği-səhə rt ək bir a ğız ba nla dım.

Sə ng şikəst e ylə di ba lü pərim,

Banlama ğın ha silini anladım.

Övci-fəzadə görə rək ba yquşu

Səhndə qaqqılla yıram indi mən.

Bir də məni vurma, aman, sə ngdil!

Rəhm e lə, nıqqılla yıram indi mə n.

Ay çala ğanlar, mə ni qorxuzma yın,

Mə n sizə t ərk e ylə mişə m la nə ni!

Se yr e lə yiz, övci-həva da uçuz,

Mə n d ə gəzim sə hnəçeyi-xanə ni.

Ağlamayın, ağlama yın, cücə lə r,

Banlamaram, banlamaram bir daha!

Banlamamaqdır sizə əhdim mə nim,

Söylə mirə m: a nlamaram bir daha!.

Mirzə ələkbər sabir

araz1385 : MİRZƏƏLƏKBƏR SABİR : Şərhlər(0) : Sentyabr 21, 2009 15:09

Baxış sayı: 62
Açar sözlər:

ƏRDƏBİL

ƏRDƏBİL

Altmış illik ömrüm oldu səndə bərbad, Ərdəbil !
Bir də namərdəm əgər etsəm səni yad, Ərdəbil !

Zənn edirəm mən bütün aləmdə İran’dan səva,
Bir fərəh abad yer yoxdu o samandan səva,
Övrət olmaz hüsnüdə Fatma, Tükəzbandan səva,
Var imiş Rusiyyədə min – min pərizad, Ərdəbil !
Bir də namərdəm əgər etsəm səni yad, Ərdəbil !

Ey vətən, huri görürdüm səndəki övrətləri,
Dərdim ol, hurilərin sənsən yəqin cənnətləri,
İndi heyranam baxıb gördükcə bu lövbətləri,
Hər birində başqa ləzzət, başqa bir dad, Ərdəbil !
Bir də namərdəm əgər etsəm səni yad, Ərdəbil !

Haliya Bakı’dayım, Baku demə bir luxtüzar,
Xassə dərya sahili bir lövbətistani – tatar,
Hər tərəf ağ – çağ madamdır, bir birindən gülüzar,
Türfə dilbər, töhfə bir şey, yaxşı bir zad, Ərdəbil !
Bir də namərdəm əgər etsəm səni yad, Ərdəbil !

Min mənim tək kəblayı bir Sonyanın dildadəsi,
Min mənim tək paki – din bir rum kadın üftadəsi
Min mənim tək möminin bilməm nolub səccadəsi?
Bəndəlik qeydin qırıb olmuşdur azad, Ərdəbil !
Bir də namərdəm əgər etsəm səni yad, Ərdəbil !

Beş deyil, on beş deyil, hər yan baxırsan, var madam,
Ev madam, mənzil madam, balkon madam, talvar madam,
Sirk madam, qəstin madam, pasaj madam, bulvar madam,
Müxtəsər, əqlim çaşıb, ey dad – bidad, Ərdəbil !
Bir də namərdəm əgər etsəm səni yad, Ərdəbil !

Gərçi İran’dan çıxırkən başqa idi niyyətim,
Niyyətim kəsb idi, vardı kəsbi – kara qeyrətim,
Qeyrətim razı deyildi ac dolansın külfətim,
Yox gözümdə indi nə külfət, nə övlad, Ərdəbil !
Bir də namərdəm əgər etsəm səni yad, Ərdəbil !

Bəs ki artır bunları gördükcə hərdən rəğbətim,
Rəğbətim artırsa da lakin qavışmır həsrətim,
Həsrətim bir şeyədir, ancaq düzəlmir halətim,
Halətim təskini – nəfsə qılmır imdad, , Ərdəbil !
Bir də namərdəm əgər etsəm səni yad, Ərdəbil !

Qorxudurdu çıxmamışkən ölkədən qurbət məni,
Çulğayıbmış qəflətimdən vəhşətü dəhşət məni,
İndi bu gördüklərimdən mat edib heyrət məni,
Özlüyümdən çıxmışam, əfsus!...fəryad!.... , Ərdəbil !
Bir də namərdəm əgər etsəm səni yad, Ərdəbil !

Tazədən bərgəşt edib bir də cavan olsaydım, ah!...
Şıq geyimli bir cavan – xoşnişan olsaydım, ah!...
Bu pərilərlə doyunca həmzəban olsaydım, ah!...
Dəhrdə beş gün yaşardım xürrəmü şad, Ərdəbil !
Bir də namərdəm əgər etsəm səni yad, Ərdəbil !

Mirzə ələkbər sabir

آلتيميش ايلليك عؤمروم اولدو سنده برباد اردبيل!
بير ده نامردم اگر ائتسه م سنى ياد٬ اردبيل!

ظنن ائديرديم من بوتون عالمده ايراندان ساوا
بير فرح آباد يوخدو او ساماندان ساوا
عؤورت اولماز حوسنوده فاطما٬ توكذباندادن ساوا
وار ايميش روسييه ده مين مين پريزاد اردبيل!
بير ده نامردم اگر ائتسه م سنى ياد اردبيل!

araz1385 : MİRZƏƏLƏKBƏR SABİR : Şərhlər(0) : Sentyabr 21, 2009 15:08

Baxış sayı: 51
Açar sözlər:

Əqvalı-hikmətdən müqtəbis bir mənzum

Könül, ol talibi-hikmət, - o hikmət kim, həqiqətdir,
Həqiqi hikmət ancaq hüsni-siyrətdən ibarətdir.

Həkimi-kamil olmaqçın deyildir çox bilik lazım,
Fəqət iqnai-nəfsə müqtədir olmaz kifayətdir.

Zəlalət əhli hər şey kəc anlar, kəc də hökm eylər,
O kəs kim, doğru yolu fəhm edər - əhli-fəzilətdir.

Olur aləmdə şəxsin himməti miqdarı-fikrincə,
Nə himmət gözlənir ondan ki, əfkarı qəbahətdir?

Pədərlə madərin nəşindən əsla təlxkam olma,
Səni təkdiru təzir etsə də, bir dadlı şərbətdir.

Doğuşda ayrılırkən müxtəlif surətlərə insan,
Məmatında onu yeksan qılan xaki-nədamətdir.

Cənabı-həq o bəhri-bigiranı-mərhəmətdir kim,
Ona mülhəq olan insan şərəfyabı-səadətdir.

Mirzə ələkbər sabir

araz1385 : MİRZƏƏLƏKBƏR SABİR : Şərhlər(0) : Sentyabr 21, 2009 15:08

Baxış sayı: 48
Açar sözlər:

ƏLMİNNƏTÜ-LİLLAH Kİ, "DƏBİSTAN" DA QAPANDI!

Əlminnətü-lillah ki, "Dəbistan"da qapandı!

Bir badi-xəzan əsdi, gülüstan da qapandı!

Hasilləri puç oldu bütün məzrəəcatın,

Yel vurdu qovun-qarpızı, bostan da qapandı!

"Ülfət" kəsilib toxdadı "Bürhani-tərəqqi",

Məhv oldu "Həmiyyət", ədəbistan da qapandı!

"Rəhbər" yorulub, yuxladı "İrşad", "Təkamül",

Aslanlara ox dəydi, neyistan da qapandı!

Meydani-rəqabətdə bizim himmətimizdən

Dəva qapanıb Rüstəmi-dəstan da qapandı!

Ətfali-vətən qoy bağırıb ölsün acından,

Yandı analar sinəsi, püstan da qapandı!

Qoy köhnələrin daş ürəyi gül tək açılsın,

Darüzzəfəri-tazəpərəstan da qapandı!

Mirzə ələkbər sabir

araz1385 : MİRZƏƏLƏKBƏR SABİR : Şərhlər(0) : Sentyabr 21, 2009 15:07

Baxış sayı: 39
Açar sözlər:

DUR QAÇAQ, OĞLUM, BAŞ-AYAQ QANDI BU

DUR QAÇAQ, OĞLUM, BAŞ-AYAQ QANDI BU

Vah! ... bu imiş dərsi-üsuli-cədid?!

Yo ... x! Yo ... x! oğul, məktəbi-üsyandı bu!

Molla deyil bundakı təlim edən!

Əlhəzər et, bir yeni şeytandı bu!